رد: بدون زعل !!!!!!!!!!!!!!!!

من طرف **السيدالصغير** الأحد يناير 10, 2010 3:42 am

[quote="السيد صالح"]

السيدالصغير كتب:[color=darkblue][color=red]

مهندس نصر ابو الحسن : اسناد مهمة تسويق محلات الاسماعيلى لشركة الاهلى هو قمة التطبيع فى العلاقات وهذا مرفوض

نورت يا باشا ورجعت الصواريخ الارض جو وعابرت القارات من الاسماعيلية للجزيرة
ولا تطبيع مع الاعداء
وهذا العميل نهايته قربت
وتقبل نحياتي

الله يخليك يا استاذ السيد يا حبيب قلبى

من طرف **السيدالصغير** الجمعة يناير 15, 2010 5:55 pm

النادى الاسماعيلى : هويتك فى اشبالك فاذا فقدت الاشبال ضاعت الهوية والكرة البرازيلية

مجلس ادارة الاسماعيلى : ضيعتوا ملامح الكرة البرازيلية ولا يوجد تمويل , فنسألكم الرحيل

مهندس نصر ابو الحسن : هو حضرتك مهندس بناء ولا هدد , ضيعتنا وخليتنا طرفه فى البلد

كابتن حسنى عبد ربه : تصريحاتك ترفع اسهمك عند الجماهير وتسقطها عند الطراطير

كابتن عبد الله كوليبالى : هل نراك العام القادم فى فريق الجيش بالمجان هديه من الاسماعيلى الغلبان

كابتن عصام الحضرى : هل تبحث عن الاحتراف ام الاغتراف

كابتن محمد محسن ريشه : مبروك المولود فهل لمستواك الفنى تعود

كابتن محمد حمص : انت عليك عبأ كبير فى اعادة فن البرازيل

كابتن محمد صبحى : هو تجديد ولا تهريج عاوزين المفيد

كابتن عماد النحاس : رجوعك مستحيل ولا نملك له تأويل

المساندون للادارة : هى مش شطارة اللى يتكلم يجيب امارة

كابتن محمد جدو : جدو يا جدو يا أعظم جدو اللى ياخدو الاهلى يهدو

المنتخب المصرى : اللعب برجوله سوف يأتى بالبطولة

كابتن حسن شحاته : ربك كريم يا أبو كريم , بدايه موفقة , احترس من الغرور

قناة الجزيرة الرياضية : الرجوع الى الحق فضيلة وكرم وجماهير مصر أصيلة تحترم

كابتن طارق دياب محلل الجزيرة : مصر هى أم الدنيا وقلب العرب فكفاك حقد وغضب

والى اللقاء فى الاسبوع القادم

من طرف **السيدالصغير** السبت يناير 23, 2010 6:18 am

ادارة نادى الاسماعيلى : الاستقاله ليه فرديه علشان خاطرنا خلوها جماعيه

المهندس نصر ابو الحسن : هو حضرتك مدمن اللون الاحمر تسيب قناة الاهلى تمسك فى وكيل لاعبين اهلاوى

قطاع الناشئين بالاسماعيلى : قالوا بيصرفوا عليك ملايين دى باين عليها ملاليم واسألوا الهاربين

الصفقات الشتويه للاسماعيلى : مع تامر النحاس وادارة الوكسه من نكسه الى نكسه

منتخب الساجدين : فى دور ربع النهائى نحتاج لعب فدائى

كابتن حسنى عبد ربه : علشان ترجع لمستواك تعالى للنادى اللى رباك

كابتن عصام الحضرى : الطبع فيك غالب تحب تجرى وراالارانب

كابتن محمد صبحى : عقدك بسته مليون ليه انت جاى من نادى سيون

كابتن معتصم سالم : رجوله ولعب واداء وقمه فى الانتماء ولم تؤثر فيك دكة البدلاء

كابتن محمد خلف : جاى الاسماعيلى وانت عواطلى اوعى بكره تتنططلى

كابتن سوكاج الالبانى : انت لاعب البانى طيب فى الاسماعيلى هتبقى نباتى

كابتن محمد السليتى : لاعب مقلب وشربناك طيب ياريت نادى غيرنا يتبناك

من طرف **السيدالصغير** السبت يناير 30, 2010 4:43 pm

كابتن حسن شحاته : مدرب قدير حتى فى التغيير وتستحق التقدير

منتخب الساجدين : كسبنا الجزاير وخدنا بتارنا , عاوزين البطوله تعوض خروجنا

منتخب الجزاير : ون.تو.ثرى.فور,العب لعب سبور ياأما تغور

جمهور مصر : فرحتك العارمه تدل على الزعامه لانك لاتقبل المهانه فأنت رمز الكرامه

حكم المباراة كودجا : حكم ماهر هل درست تاريخ منتخب الجزاير ,خد بالك من روراوة عايز يخليك فى التراوة

كابتن محمد جدو : هداف دولى خطير فى وقت قصير مع أنك احتياطى ولكنك افضل من الاساسى

كابتن محمد زيدان : لعبت لعب جنان وأسأل رابح سعدان

كابتن عصام الحضرى : فعلا سد عالى ولو التزمت بالعقود تصبح لاعب مثالى

محافظ الاسماعيلية : نريد مشاريع استثمارية تنموية لعلاج مشكلة الفقر الازالية

المهندس نصر ابو الحسن : هى مش مناصب ومكاسب هناك تاريخ سوف يحاسب

والى لقاء آخر بعد البطوله ان شاء الله

منتخب الساجدين : البطوله السابعه والثالثه على التوالى يا سلام عليك يا ابو كعب افريقى عالى

خبراء تحليل الكورة : مصر بلعيبه محليه كسبت البطوله الافريقيه وتناطح العالميه

كابتن حسن شحاته : حيرت خبراء الكورة العالمية يا ابو حظ ودماغ وخطط مفترية

كابتن سمير زاهر : الكأس الافريقية سوف تنقذك من الاهوال المستخبية

كابتن محمد جدو : هداف البطولة وانت لاعب احتياطى هل دى معقوله تستاهل تلعب لبرشلونه

كابتن احمد حسن : أحسن لاعب وكمان بقيت عميد هل لديك جديد

كابتن عصام الحضرى : أحسن حارس افريقى لثلاث مرات على التوالى يا ترى هتفضل هنا ولا تروح انجلترا ولا لجمال الوالى

كابتن حسنى عبد ربه : عرفت ان الاسماعيلى فضله كبير وكنت احسن لاعب فهل لك عودة لفن البرازيل

جمهور مصر العظيم : فرحه جديدة افريقية, تستاهل فرحه ولو مرة عالمية

كابتن عيسى حياتو : شكلك مش فرحان انت ليه زعلان على العموم كل شيء هيبان

قناة الجزيرة الرياضية : تعاملتى معنا بمنتهى الروح الريا ضية يا ريت تعدوا الجزيرة الاخبارية

لاعبوا الاسماعيلى : ياريت نلعب بروح واصرار منتخب مصر الشطار

النادى الاسماعيلى : مبروك المركز التانى, شوية مجهود وهمة علشان الاولانى

جمهور الاسماعيلى : خليك ورا ناديك ولا تعتمد على غيرك وحقك تجيبوا بأيدك مش بأيد غيرك

لجنة الحكام : تجيبوا سماعات تجيبوا مكبرات انتم محتاجين لياقه وتصحوا الضمير اللى مات

الصفقات الشتوية : لم نرى اى من الوجوه الجديدة فى المباراة ياترى لعدم الانسجام ام هى ليست على مايرام

كابتن معتصم سالم : ماشاء الله راجل المهمات الصعبة وأخذت مهمة ريشه الفضائية بضربة هد قوية

كابتن عماد سليمان : خير وسيلة للدفاع الهجوم على الله ان يكون كلامى مفهوم

كابتن عصام الحضرى : ارجع الاسماعيلى وبلاش تكابر انت تلعب مع نادى من الاكابر

كابتن عمرو السوليه : لعيب راجل وحريف ودولى تستاهل تلعب فى المنتخب الاولميبى

كابتن عمر جمال : وحشتنا يا مارادونا الدراويش ألعب وحده وحده وبشويش

كابتن محمد صبحى : كنت فى الاول بتصد ضربات الجزاء ايه اللى حصل لك بعد الملايين والرخاء

هلا بالصواريخ من قاعدة فايد الجوية
بس بلاش نغمة الحضري يرجع
مع الف سلامة يا بتاع كفر البطيخ
الاسماعيلي اكبر منك ومن اسمك يا خضري
تحياتي يا استاذ / سيد

السيد صالح كتب:
هلا بالصواريخ من قاعدة فايد الجوية
بس بلاش نغمة الحضري يرجع
مع الف سلامة يا بتاع كفر البطيخ
الاسماعيلي اكبر منك ومن اسمك يا خضري
تحياتي يا استاذ / سيد

معك كل الحق يا استاذ السيد

مجلس إدارة الاسماعيلى : حجوزات ومديونيات شمتوا فينا الارجوزات

المهندس نصر أبو الحسن : سفرك مع الفريق للدعم ولا لعدم الملامة ياريت نعرف علشان نضع علامة

الجمعية العمومية للاسماعيلى : أيها الراقدون تحت التراب ارحمونا من العذاب

البطولة الأفريقية : هي مش صعبة يا دراويشية إن أشوفها لتانى مرة في الإسماعيلية

الصفقات الشتوية : الحمد لله طلعنا بكوليبالى ولما نشوف الالبانى ومجايب اللي في بالى

كابتن عصام الحضري : مرة المريخ السوداني ومرة بالميراس البرازيلي يعنى ماله الاسماعيلى

كابتن عبد الله كوليبالى : يا سلام عليك فنان وكمان جيت بالمجان وكل الشكر لأكاديمية الفتى العربي يا جدعان

كابتن محمد صبحي : كنت أسد في العرين أفهم من كده إن ده شغل الملايين ولا غيظ في الخائنين

كابتن عبد الله السعيد : ضيعت هدف كان كفيل لصعودنا ومستواك الأخير لا يطمئنا

كابتن حسنى عبد ربه : مش معانا خمسه مليون آلا يكفيك حب الجمهور المفتون ولا كله عند العرب صابون

كابتن احمد فتحي : لا تستحق كأس الروح الرياضية والدليل حلقة شوبير الماضية

التليفزيون المصري : الاسماعيلى يلعب في البطولة الأفريقية يعنى في مهمة وطنية ولا هي حكر على الاهلوية

مهندس نصر أبو الحسن : فشل ورا فشل ما تمشى بقى عايزين نكسر القلل

إدارة الاسماعيلى : خليتوا الفريق بدون أنياب وعيشتونا في عذاب ,استحالة تكونوا أحباب

الجمعية العمومية للاسماعيلى :انتى فين يا صبية وسكنه فين يا عنية ياريت حد يرد عليا

جمهور الاسماعيلى : دائما مظلوم وحقك مهضوم من الإعلام والأمن وكمان من إدارة النادي اللي حالها يغم

كابتن أيهاب جلال : وجودك زى عدمه ولو شايف شغلك كانوا اللاعيبة التزموا

كابتن عماد سليمان : اصحي يا نايم وحد الدايم , ده الفريق خسران

كابتن عصام الحضري : وشك علينا هباب وصفقتك كانت خراب

كابتن محمد محسن ريشه : أنت فالح بس في المتشات الودية ولا كورة منك لها فاعلية

كابتن معتصم سالم : فعلا رجل الاسماعيلى الفدائي والفريق من غيرك بيكاكى

قوات الأمن : متشات ورا متشات عيشين على ظلمنا وبكرة هيجي اليوم اللي ناخد فية وضعنا

كابتن احمد حسن : بقيت عميد وقلة أدبك عمالة بتزيد

كابتن محسن صالح : وضعت أيدك على جرح الاسماعيلى وأتكيت ووضحت إن الغلط من رب البيت

رئيس لجنة الحكام : كفاية كيل بمكيالين , حكامك ضميرهم راح فين

واخيرا أقول

والله لو صاحب المرء جبريلا
لم يسلم من قال ومن قيلا
قد قيل فى الله أقولا مصنفةّ
تتلى اذا رتل القرآن ترتيلا
قد قيل أن له ولدا وصاحبة
زورا عليه وبهتانا وتضليلا
هذا قولهم فى الله خالقهم
فكيف لو قيل فينا بعض ما قيلا

والى لقاء جديد وبدون زعل

الجهاز الفني للاسماعيلى : مع السلامة والقلب داعيلك ولحد كدة كتر خيرك

كابتن عماد سليمان : روح كمل نومك في حتة تانية قبل ما تنزلنا درجة تانية

كابتن إيهاب جلال : أنت مستني إيه ما تمشى بقى ولا مستني تاخد معاك البيه

المهندس نصر أبو الحسن : كسبت شهرة بملايين وخليت أيامنا طين كفاية بقى يا حزين

كابتن الدهراوى : عليك الاستمرار في النادي وما لكش دعوة بالتغيير الحالي لان مستواك عالي

جماهير الاسماعيلى : النادي يحتاج لدماء جديدة وإدارة رشيدة وتشجيع الفريق من أول دقيقة لأخر دقيقة

لاعبي فريق الاسماعيلى : هو ده مستواكم ولا مؤامرة علشان الرواتب المتأخرة بسبب الإدارة المتفشخرة

كابتن ايمن رمضان : جيت الاسماعيلى وكرمناك يا ريت تورينا عرض قفاك

كابتن محمد حمص : أنت شبعت ماديا ولا كرويا ولا خطة للاحتراف خارجيا

كابتن عبد الحميد سامي : أنت معانا ولا علينا , كل ما تجيلك كورة قلوبنا تقع في رجلينا

لجنة الحكام : تعترفوا بالخطأ وتصروا عليه طيب ادعى عليكم بايه

محافظ الإسماعيلية : النادي محجوز عليه وهيضيع مننا وواجبك تسعدنا وتحافظ على ملكنا

رجال الأعمال الاسمعلاوية : الاسماعيلى من بعد عثمان بقى يتيم ويحتاج منكم العون والتدعيم

من طرف **السيدالصغير** الأحد فبراير 28, 2010 5:52 pm

جـ 14

كابتن عصام الحضري : أنت فعلا سد عالي ولكنك متعالي فلا تنسى انك تعمل لدى النادي الاسماعيلى

كابتن محمد حمص : ما زلت بعيدا عن مستواك حتى لو حطيت هدف و جه معاك

كابتن عبد الله السعيد : نحتاج منك المزيد و يا ريت تبعد عن القائم والعرضه في التسديد

كابتن عبد الحميد سامي : لا تستحق اللعب للدراويش لأنك ملك التقليش وشوطه في الكورة وعشرة ما فيش

كابتن عماد سليمان : رغم الفوز بالمباراة , خط ظهرك وشه زى قفاه وقراءتك صفر للمباراة

كابتن إيهاب جلال : ليه غالبية الجماهير لا تريدك والبيه مش عايز يشيلك ?

كابتن احمد على : مجهودك في الملعب كويس ولكنك على المرمى مفلس

الجهاز الفني للاسماعيلى : كسبنا المباراة ببركة دعاء الوالدين وحارس آمين والفريق مازال زى الطين

لاعبي الاسماعيلى : كان اسم الاسماعيلى مرعب لجميع الفرق المصرية والعربية والأفريقية على آخر الزمن يتجرأ علينا فرق مجهولة الهوية

رابطة مشجعي المصري : نردها لكم في الأفراح ودائما بورسعيد والإسماعيلية في كفاح

جمهور الاسماعيلى : شجع . ثور , أوعى تبات مقهور لأنك أعظم جمهور

مجلس إدارة الاسماعيلى : اسيبك أه , احبك لا , لأنك مش المجلس اللي الناس عايزاااااه

والى لقاء أخر وبدون زعل ما دام فى العمر بقية

جـ 15

كابتن عماد سليمان : نومك زاد وقلة خبرتك وضحت وفريقيتنا اتفضحت

كابتن أيهاب جلال : هل يكون الحضري القشة التي قسمت ظهر البعير , أم انك لا تملك تفسير ؟

كابتن عمرو السولية : لاعب صغير وتحملت المسؤالية فلك كل تقدير وتحية

كابتن محمد صبحي : ملك صد ضربات الجزاء , تستحق حراسة مرمى الدراويش أحسن من الدخلاء

كابتن عصام الحضري : امسك عليك لسانك فنادى الاسماعيلى هو من أعانك

كابتن محمد حمص : تسيبنا وتخلع يا كابتن الملايين خليت خط الوسط يشيل الطين

كابتن معتصم سالم : الصبر جميل فلا تيأس وترحل يا أصيل

كابتن محمد محسن أبو جريشة : رأس حربه بدون أهداف زى المركب بدون مجداف

كابتن احمد الجمل : مستواك ذهب مع الريح فاتركنا حتى نستريح

لاعبي الاسماعيلى : مازلت أقول هذة مؤامرة متهورة لحساب مين مدبرة

النادي الاسماعيلى : هدف يتيم ونادى يتيم ولا يوجد منقذين والجمهور راح في الرجلين

مجلس إدارة الاسماعيلى : حجوزات وتخبطات كفاية كده عاوزين إصلاحات يا إما استقالات !

جمهور الاسماعيلى : النادي أمانه في أعناقكم ما فيش حد هينقذ النادي غيركم

والى لقاء اخر مادام فى العمر بقية وبدون زعل

من طرف **السيدالصغير** الجمعة مارس 12, 2010 4:41 pm

جـ 16

النادي الاجتماعي وبدون زعل

النائب صلاح الصايغ : مش عارف تعمل ضجة إعلامية في المجلس غير أنك تفرقع النادي الاجتماعي في الإسماعيلية

النادي الاجتماعي للاسماعيلى : ارض النخيل راحت وارض الغابة انزاحت مش فاضل غير ارض اللواء اللي باين عليها اتباعت

إنشاء النادي الاجتماعي : بعد ما ضاقت ارض النضال على النادي الاجتماعي مش فاضل غير ارض في الخيال

دعاة البيئة : نشكركم على حسن تعاونكم معنا في الحفاظ على الغابة والزبالة للجميع يا بيئة

شعب الإسماعيلية : عليكم باختيار من يخدمكم أولا وقبل كل شيء ولا يخدم نفسه على حساب كل شيء

مجلس محلى المحافظة : عليكم بتخصيص قطعة ارض للنادي الاجتماعي بعيدا عن الافاعى

أعضاء الجمعية العمومية : مافيش ولا وقفة احتجاجية علشان النادي الاجتماعي في الإسماعيلية

مجلس إدارة الاسماعيلى : شوفوا باقي المخصصات للنادي قبل ما تذهب مع الريح على التوالي

حجر الأساس للنادي الاجتماعي : ماحدش يلومني ولا يعتب عليا الصايغ ظلمني وبتوع البيئة لعبوا بيا

أحلام الدراويش : أحلام ورا أحلام عايشين على حلمنا وبكره هيجي اليوم والغمة تنزاح عننا

والى لقاء اخر وبدون زعل

من طرف **السيدالصغير** الجمعة مارس 12, 2010 4:45 pm

جـ 17

كابتن عماد سليمان : مش بصماتك ده إصرار لاعبين وضعف منافسين وأنت لسه من النايمين

كابتن محمد صبحي : ما شاء الله أسد , أوعى تنحسد

كابتن محمد السليتى : هو أنت لازم تنزل من أول الماتش علشان تجيد فاضل شوية وتبقى لاعب مفيد

كابتن احمد على : أخيرا أتدربت على الانفرادات ربنا يبعد عنك الإصابات

كابتن محمد حمص : الكرة الجميلة تبدأ من عندك ومتعة جمهور الدراويش أمانه في عنقك

كابتن احمد سمير فرج : مازلت متأثر بعدم انضمامك للمنتخب أم إن مستواك هو السبب

كابتن عمر جمال : لا تحزن من تجاهل الإدارة فجمهور الدراويش يقدر المهارة

كابتن عبد الله السعيد : نحتاج منك المزيد وكثيرا من التسديد

كابتن ايمن رمضان : تنبيه ليك وللفريق ألف جنية غرامة لكل كيلو جرام زيادة .مين هيطلع مديون يا سادة

لاعبي الاسماعيلى : مطلوب تركيز وإصرار ولعب شطار لنظل في قافلة الكبار

مجلس إدارة الاسماعيلى : توفير الأموال من صميم عملكم فان لم تجدوا فادفعوا من جيوبكم

برنامج اسمعلاوى : عودا حميدا برجوعك للجماهير ولكن تقريرك على بقاء الإدارة يحتاج تفسير

الأستاذ علاء وحيد : اختيارك متحدث رسمي للإدارة فيه من المهارة ولا عزاء للحيادية الإعلامية واوعى الجمهور ليكون الضحية

المخرج محمد نصر : الأحمر احمر وعمره ما يعرف حياد وحتى لو تجاهلتنا سنظل من الأسياد

والى لقاء اخر وبدون زعل
دمتم بخير

بدون زعل !!!!!!!!!!!!!!!!